• प्रतियोगितामा दुई वक्ता र एक अध्येता रहने गरी तीन जनाको समुहहरुका बीच प्रतिस्पर्धा हुनेछ।

​

• प्रतियोगीहरुले २०७४/०४/२० शुक्रबार राती ११:५९ सम्ममा नेल्सा नेपाल ल क्याम्पस एकाइको इमेल ठेगानामा आफ्नो समुहका तीनै सदस्यका नाम, सम्पर्क नम्बर लगायत विवरण खुलाई भाग लिन चाहेको भनी nelsanlcchapter@gmail.com मा इमेल गरी समुह दर्ता गराउनु पर्नेछ।

​​

• हरेक समुहले नेल्साका कोषाध्यक्ष लगायत क्याम्पस एकाइका सदस्यहरु मार्फत २०७४/०४/२२ आइतबार अपराह्न ४ बजे सम्ममा समुह दर्ता शुल्क बापत रु. ४५०/- बुझाउनु पर्नेछ।

​​

• प्रत्येक समुहले २०७४/०४/२७ शुक्रबार अपराह्न ४ बजे सम्ममा आयोजकले प्रतिस्पर्धिको सुविधाका लागि प्रदान गरेको रिट निवेदन र लिखित जवाफको खाका अनुसारका सम्बन्धित लिखतहरुको हस्तलिखित अथवा प्रिन्टेड प्रति बुझाउनु पर्नेछ।

​​

• हस्तलिखित प्रति Legal size को नेपाली कागजमा र प्रिन्टेड प्रति A4 size को नेपाली कागजमा हुनुपर्ने छ।

​​

1. लिखतहरुमा पुर्याउनुपर्ने रीत

• लिखतको प्रत्येक पृष्‍ठमा बायाँ तर्फ ५ से.मि. छोड्नु पर्नेछ।

• लिखतको पृथम पृष्ठमा शिर तर्फ १० से.मी. र अन्य पृष्‍ठहरुमा ५ से.मि. छोड्नु पर्नेछ।

• प्रत्येक पृष्‍ठमा ३२ पङ्ति नबढाई लेखेको हुनु पर्नेछ।

• रिट निवेदन र लिखित जवाफ तीन पृष्‍ठ भन्दा लामो भएमा दुई पृष्ठमा नबढाई सारसङ्क्षेप समेत बुझाउनु पर्नेछ।

​​

• लिखत र बहसको क्रमशः ३०% र ७०% अङ्कभार रहनेछ।

​​

• प्रत्येक पक्षले १० मिनेटको समयमा दुवै वक्ताको बहस पुरा गर्नुपर्नेछ। इजलासले सोधेको प्रश्नका लागि अतिरिक्त समय प्रदान गरिने छैन। अतिरिक्त समय प्रदान गर्ने नगर्ने कुरा इजलासको तजबिजमा निर्भर रहनेछ।